ფილარმონიის ივენთ ჰოლში ქართული ჯიშის (გენეტიკის) სურსათის გამოფენა-გაყიდვა გაიმართება

გენეტიკურად ქართული წარმომავლობის პროდუქტები, რომლებიც ერთი ნიშნის ქვეშ ერთიანდებიან, მსოფლიო ბაზრის დასაპყრობად ემზადებიან. მანამდე კი "გემოვან" პროდუქციას ადგილობრივი მომხმარებელი გაეცნობა.

18 ნოემბერს, 10:00-დან 18:00 საათამდე, პირველად ისტორიაში ფილარმონიის ივენთ ჰოლში ქართული ჯიშის (გენეტიკის) სურსათის გამოფენა-გაყიდვა გაიმართება.

"ღონისძიების მიზანია"გემოვანის" ნიშნის წარდგენა ქართველი მომხმარებლისთვის და ადგილობრივ ბაზარზე გენეტიკურად ქართული წარმომავლობის პროდუქტების პოპულარიზაცია. გამოფენა-გაყიდვაში მონაწილეობას დაახლოებით 50-მდე მეწარმე მიიღებს, რომლებიც საქართველოს სხვადასხვა რეგიონებიდან ჩამოვლენ და საკუთარ პროდუქციას წარმოადგენენ. გამოიფინება და გაიყიდება როგორც მცენარეული, ისე ცხოველური წარმომავლობის ქართული, ნატურალური პროდუქცია და მცირე მარნების ღვინოები. " - აღნიშნა ირაკლი ჩავლეშვილმა.

მისივე ინფორმაციით 2018 წლიდან იგეგმება ყოველკვირეული ბაზრობის გამართვაც, სადაც "გემოვანის" ნიშნით გაერთიანებული პროდუქცია გაიყიდება.

"გვინდა, რომ მაქსიმალურად ავითვისოთ ადგილობრივი ბაზარი და რაც მთავარია, ხელი შევუწყოთ წარმოების ქართული ტრადიციული მეთოდების აღდგენასა და გენეტიკურად ქართული პროდუქტის პოპულარიზაციას. "გემოვანის" ქვეშ წარმოებული პროდუქცია არის უნიკალური და მას უნდა გაეცნოს მსოფლიოც. ამიტომ, ადგილობრივი ბაზრის ათვისების შემდეგ, ნომერ პირველი გეგმა არის საერთაშორისო ბაზრებზე გასვლა", - აღნიშნა პროექტის ავტორმა.

ამასთან, როგორც ირაკლი ჩავლეშვილმა განმარტა, აღნიშნულ პროექტში მონაწილეობა შეუძლია ნებისმიერ ფერმერს, რომელიც გენეტიკურად ქართულ პროდუქტს აწარმოებს. "გვინდა სტიმული მივცეთ საქართველოში ადგილობრივი წარმომავლობის პროდუქციის წარმოებას. ფერმერებს ეცოდინებათ, რომ გენეტიკურად ქართული პროდუქცია არის მოთხოვნადი, ასევე ძვირადღირებული და მათ შეეძლებათ, პირობითად, 10 ტონა კარტოფილის ნაცვლად მოიყვანონ 2 ტონა და შემოსავლის სახით, მიიღონ 15 ტონის ღირებულება", – აცხადებს ავტორი.

"გემოვანის" ნიშნის პრეზენტაციის და გამოფენა-გაყიდვის გენერალური სპონსორია "პური მზეთამზე".

ღონისძიების მხარდაჭერები არიან ვიზარდ ივენთი, მოძრაობა KAR.GE და ქართული ხორბლის მწარმოებელთა გაერთიანება.

მედია მხარდაჭერები: რუსთავი 2, რადიო ჰოლდინგი ფორტუნა, ახალი ამბების ტელევიზია პალიტრანიუსი, ბიზნეს მედია საქართველო, Georgia Today და ალმა.

მსგავსი ღონისძიებები
Kordz & Zagareli-Strings, ალექსანდრე კორძაიას და გიორგი ცაგარელის კამერული სიმებიანი ორკესტრის ერთობლივი კონცერტი გაიმართება.
ფესტივალი
ელექტრონული მუსიკისა და ციფრული ხელოვნების ფესტივალი DECODER-ის მეოთხე სერია, Hippodrome Park-ზე გაიმართება, რომელზეც Len Faki (OFFICIAL), I Hate Models და Henning Baer სეტებს დაუკრავენ
ფესტივალი
ახლახან ფესტივალის ორგანიზატორებმა სრული ლაინაფი წარუდგინეს მედიას. როგორც დავით ცინცაძემ განაცხადა, წელს ფესტივალზე ოთხი სცენა იქნება, სადაც 70-ზე მეტი მუსიკოსი გამოვა, მათ შორის 20-მდე უცხოელი.
ფესტივალი
პირველი დღის ჰედლაინერი ხუან ატკინსია
ფესტივალი
კვირის ღონისძიებები
პირდაპირი ეთერი ისრაელიდან, სადაც ღაზას სექტორიდან გასროლილი 50 რაკეტა დაეცა - პალესტინის "ისლამური ჯიჰადი" ისრაელს ომს უცხადებს

ისრაელის მიმართულებით დღეს ღაზას სექტორიდან 50-ზე მეტი რაკეტა გაისროლეს. ისრაელის თავდაცვის სამინისტრო მოქალაქეებს განსაკუთრებული სიფრთხილისკენ მოუწოდებს. შეწყვეტილია სასწავლო პროცესი.

პალესტინის "ისლამური ჯიჰადი" ისრაელს ომს უცხადებს. ინფორმაციას ისრაელის მედია ავრცელებს.

„ეს ტერორისტული დანაშაულები არის აგრესიის გამოვლინება და ომის გამოცხადება პალესტინელი ხალხისთვის. მასზე პასუხისმგებლობა მტერს ეკისრება“, - ნათქვამია პალესტინის „ისლამური ჯიჰადის“ მიერ გავრცელებულ განცხადებაში. მისივე ინფორმაციით, გამოცხადებულია საყოველთაო მობილიზაცია, რათა იერიში მიიტანონ „იმ აგრესიასა და ტერორიზმზე, რომელიც პალესტინელი ხალხის მიმართ ხორციელდება“.

„ჩვენ ვიწყებთ ომს. ნეთანიაჰუმ ყველა წითელი ხაზი გადაკვეთა ბაჰა აბუ ალ-ატას მკვლელობით. ჩვენ ამას ძალისმიერი მოქმედებებით ვუპასუხებთ. ეს ყველაფერი დაუსჯელად არ დამთავრდება“, -წერია განცხადებაში.