ელექტრონული მუსიკის ფესტივალი Summer Set ახალი გამოწვევებით ბრუნდება

   ელექტრონული მუსიკის ფესტივალი Summer Set ახალი გამოწვევებით ბრუნდება. წელს ფესტივალის პირველი, საპრეზენტაციო ღონისძიება თბილისის ზღვაზე 27 ივლისს გაიმართება. ამის შესახებ ფესტივალის ორგანიზატორებმა, ტურიზმის ადმინისტრაციის ხელმძღვანელმა და მთის კურორტების განვითარების კომპანიის დირექტორმა დღეს გამართულ ერთობლივ პრესკონფერენციაზე განაცხადეს. მათი ინფორმაციით, ერთდღიანი ივენთის ჰედლაინერები იქნებიან: Cigarettes After Sex, WhoMadeWho, Koreless, Gidge და Baikal. 

 

როგორც კონფერენციაზე აღინიშნა, უმთავრესი სიახლე, რასაც Summer set-ის ორგანიზატორები და მხარდამჭერები მელომანებს სთავაზობენ, 2019 წელს ფესტივალის გუდაურში გადატანას უკავშირდება. 2019 წლიდან Summer Set გუდაურში გადაინაცვლებს და ყოველი წლის ზაფხულში ჩატარდება.

„პროექტ check in georgia-ს ფარგლებში და ტურიზმის ეროვნული ადმინისტრაციის მხარდაჭერით, ძალიან ცნობილი საფესტივალო ჯგუფი summer set ბრუნდება სასცენო ცხოვრებაში და 27 ივლისს თბილისის ზღვაზე საინტერესო საღამო გაიმართება. ამავდროულად, ჩვენ ერთობლივად ვმუშაობთ იმაზე, რომ ამ ფესტივალმა გადაინაცვლოს გუდაურში და ხელი შეუწყოს მთის კურორტების ნაწილში საქართველოს კიდევ უფრო პოპულარიზაციას როგორც რეგიონში, ასევე მსოფლიოს სხვადასხვა კუთხეში. ჩვენ დავეხმარებით ფესტივალს, რომ ცნობადობა და შესაბამისად, პოტენციური ტურისტები საქართველოში მოგზაურობით დავაინტერესოთ,“ - განაცხადა ტურიზმის ადმინისტრაციის ხელმძღვანელმა, გიორგი ჩოგოვაძემ.

 

Summer set-ის ორგანიზატორთა თქმით, ფესტივალის ახალი ჰიბრიდული მოდელის ფილოსოფია საქართველოს მთის კურორტებს, ელექტრონულ და ინსტრუმენტულ მუსიკას, სპორტის 9 სახეობას და სოციალურ -კულტურულ თემებზე სხვადასხვა ვორქშოპებს გააერთიანებს. 

„27 ივლისის ღონისძიება არის პრეზენტაცია იმისი, თუ რა მოხდება უკვე 2019 წელს გუდაურში, თუმცა ტრადიციული პრეზენტაციებისგან განსხვავებით, ამ დღესაც ხუთი სხვადასხვა ჰედლაინერი გვყავს. ფესტივალის მთავარი დანიშნულებაა სხვადასხვა ტიპის ადამიანების შეხვედრა და ამჯერად გვინდა, რომ ქლაბერები, მელომანები, სპორტისა და ჯანსაღი ცხოვრების მოყვარულები გადაეკვეთონ ერთმანეთს. 

 

რაც შეეხება 2019 წელს, ვგეგმავთ, რომ გუდაურში 3 500კვადრატულ მეტრზე მოწყობილ სივრცეში წარმოდგენილი იყოს მრავალფეროვანი ინსტრუმენტები: როიალით დაწყებული, ელექტრო ინსტრუმენტებით დამთავრებული. ჰედლაინერებთან უკვე მიმდინარეობს მუშაობა და მთავარი, რაც 2019 წელს იქნება, ეს არის ახალი საფესტივალო კულტურის დანერგვა. იქიდან გამომდინარე, რომ ელექტრონული მუსიკის ფესტივალები ძალიან მომრავლდა, ჩვენ თავი ამიტომ გავწიეთ ცოტა გვერდზე, გადავედით ლაივ ბენდებზე იმისთვის, რომ summer set უფრო გაფართოვდეს და გაიზარდოს ასაკობრივი სეგმენტი,“ - განაცხადა ფესტივალის ორგანიზატორმა ნიკოლოზ დვალიძემ.

 

მისი თქმით, 27 ივლისს თბილისის ზღვაზე დაგეგმილი ღონისძიება საღამოს 7 საათიდან დაიწყება და 28 ივლისის დილის 9 საათამდე გაგრძელდება. მისივე ინფორმაციით, ერთდღიანი საფესტივალო ტერიტორია 10 000 ადამიანზეა გათვლილი.

როგორც კონფერენციაზე აღინიშნა, Summer Set ხელს შეუწყობს მთაში დასვენების კულტურის პოპულარიზებას და ტურისტებს ევროპის სხვადასხვა ქვეყნებიდან მოიზიდავს. 

მსგავსი ღონისძიებები
23-26 სექტემბერს "FEST I NOVA" "Art Villa Garikula"-ს ტერიტორიაზე გაიმართება
ფესტივალი
18 ნოემბერს, 10:00-დან 18:00 საათამდე, პირველად ისტორიაში ფილარმონიის ივენთ ჰოლში ქართული ჯიშის (გენეტიკის) სურსათის გამოფენა-გაყიდვა გაიმართება.
ფესტივალი
Mzesumzira -ს რეზიდენტებთან ერთად ივენთზე დაუკრავს დიჯეი, პროდუსერი და Cosmo Records-ის შემქმნელი Adil Hiani.
ფესტივალი
კვირის ღონისძიებები
პირდაპირი ეთერი ისრაელიდან, სადაც ღაზას სექტორიდან გასროლილი 50 რაკეტა დაეცა - პალესტინის "ისლამური ჯიჰადი" ისრაელს ომს უცხადებს

ისრაელის მიმართულებით დღეს ღაზას სექტორიდან 50-ზე მეტი რაკეტა გაისროლეს. ისრაელის თავდაცვის სამინისტრო მოქალაქეებს განსაკუთრებული სიფრთხილისკენ მოუწოდებს. შეწყვეტილია სასწავლო პროცესი.

პალესტინის "ისლამური ჯიჰადი" ისრაელს ომს უცხადებს. ინფორმაციას ისრაელის მედია ავრცელებს.

„ეს ტერორისტული დანაშაულები არის აგრესიის გამოვლინება და ომის გამოცხადება პალესტინელი ხალხისთვის. მასზე პასუხისმგებლობა მტერს ეკისრება“, - ნათქვამია პალესტინის „ისლამური ჯიჰადის“ მიერ გავრცელებულ განცხადებაში. მისივე ინფორმაციით, გამოცხადებულია საყოველთაო მობილიზაცია, რათა იერიში მიიტანონ „იმ აგრესიასა და ტერორიზმზე, რომელიც პალესტინელი ხალხის მიმართ ხორციელდება“.

„ჩვენ ვიწყებთ ომს. ნეთანიაჰუმ ყველა წითელი ხაზი გადაკვეთა ბაჰა აბუ ალ-ატას მკვლელობით. ჩვენ ამას ძალისმიერი მოქმედებებით ვუპასუხებთ. ეს ყველაფერი დაუსჯელად არ დამთავრდება“, -წერია განცხადებაში.