ბათუმში ,,ფოლკლორის დღეები" დასრულდა

    ფესტივალი Check in Georgia-ს ფარგლებში მოეწყო 22 აგვისტომდე გარძელდა. ღონისძიების ფარგლებში  24 კონცერტი გაიმართა, რომელშიც 40-მდე ანსამბლი მონაწილეობდა, მათ შორის, აჭარისა და თბილისის სიმღერისა და ცეკვის ფოლკლორული ანსამბლები, ასევე ქორეოგრაფიული ანსამბლები საქართველოს სხვადასხვა კუთხიდან. მნიშვნელოვანია, რომ ”ფოლკლორის დღეები” საქართველოს ფოლკლორის სახელმწიფო ცენტრის ორგანიზებით ჩატარდა.

 

    ,,ფოლკლორის დღეების" დასკვნითი კონცერტი ტრადიციულად, ბათუმის ბულვარში, ანბანის კოშკთან გაიმართა. წვიმის გამო შემსრულებლები შემცირებული პროგრამით წარდგნენ. სცენაზე თბილისური ანსამბლი ,,ჩვენებურები", ხულოს მუნიციპალიტეტის ქორეოგრაფიული ანსამბლი ,,ხიხანი" და უხუცესთა ანსამბლი ,,ბერმუხა" ერთმანეთს ენაცვლებოდნენ.

კონცერტებზე დასწრება შეეძლო ნებისმიერ მსურველს. ფესტივალის მხარდამჭერები იყვნენ: საქართველოს განათლების, მეცნიერების, კულტურისა და სპორტის სამინისტრო, საქართველოს ტურიზმის ეროვნული ადმინისტრაცია, აჭარის ა/რ განათლების, კულტურისა და სპორტის სამინისტრო, ბათუმის მერია, ბათუმის კულტურის ცენტრი და ბათუმის ბულვარი. ფესტივალი ზღვისპირა ქალაქს ერთი წლით დაემშვიდობა.

 

   „უნიკალური ქართული ფოლკლორი უცხოელი სტუმრების განსაკუთრებულ ინტერესს იწვევს, კონცერტს 5 000 - მდე მაყურებელი ყავდა. შესაბამისად, მისი პოპულარიზაცია ტურისტული პოტენციალის ამაღლებას შეუწყობს ხელს. ფესტივალის მიზანია ქალაქ ბათუმში ჩასულ სტუმრებს მიეცეთ ქართული ხალხური შემოქმედების გაცნობის საშუალება. ფესტივალი ერთი წლით დაემშვიდობა ბათუმს“, - აღნიშნავენ საქართველოს ფოლკლორის სახელმწიფო ცენტრში.

 

მსგავსი ღონისძიებები
ნაცნობი და საყვარელი ჰიტების გენიალური შესრულება.
კონცერტი
მსმენელმა ეს ჯგუფი ძალიან თბილად მიიღო, მათ საკმაოდ ბევრი ფანი ჰყავთ საქართველოში. ჩვენ გადავწყვიტეთ თქვენთვის სიურპრიზი გაგვეკეთებინა.
კონცერტი
პირველად საქართველოში, ჯულიარდის კურსდამთავრებული ახალგაზრდა ტალანტები
კონცერტი
30 სექტემბერს ვილნიუსის კამერული ორკესტრის კონცერტი "კახიძის მუსიკალურ ცენტრში" გაიმართება.
კონცერტი
კვირის ღონისძიებები