"არტარეაში" ანკა გუჯაბიძის ფოტოგამოფენა „სიკვდილი კოღოებს ზაფხულის დღეებში“ გაიხსნა

        ახალგაზრდა ფოტოხელოვანის ანკა გუჯაბიძის საინტერესო და იდუმალებით მოცული ფოტოგამოფენა სახელწოდებით „სიკვდილი კოღოებს ზაფხულის დღეებში“ არტარეას ტერიტორიაზე გაიხსნა. 5-დან 9 ოქტომბრამდე თქვენ შეძლებთ ნახოთ სიცოხლისა და სიკვიდლის მუდმივი ბრძოლის ამსახველი და ლამაზი, მაგრამ ხანდახან უშნო ფორმებით დანახული ადამიანთა შინაგანი თუ გარეგანი სამყარო. ფოტოებზე სიცივესაც შეამჩნევდით, ომსაც. მოხუცთა თვალები დამთვარიელებლებს შველას თხოვდნენ. კოშმარული სიზმრებიდან დანახულ სახეებს არარელისტური სილამაზე და იდუმალება ემატებოდა.

      ფოტოები აგონიის გამომსახველ ელემენტებსაც შეიცავდა, თითქოს ფოტოს მოდელები უკვე გარდაცვლილთა სამყაროსკენ მიიწეოდნენ. განსაკუთრებით რელიგიური თემატიკის ფოტოებმა მომხიბლა. იდუმალება ღვთაებრიობასაც დაემატა. ჯვრის ფორმის ბოძთან მდგარი ცხენი საზოგადოებას ნამდვილად დააფიქრებდა ცხოვრებაზე. ლამაზი იყო ფოტო სადაც ხის ფორმის ტაძარი იყო გამოსახული. თითქოს ავტორმა ამით თემატიკა შეცვალა და სიცოცხლეც შესძინა რამდენიმე საშიშ და დეპრესიულ სახეს.

 

       ავტორი ლამაზ და ამავდროულად ბნელ ფოტოებს საინტერესო სახეს აძლევს. ფოტოები მეტყველია და დამაფიქრებელი. ავტორის ნიჭი მისი შემოქმედებიდან მძაფრად ჩანს. ეს სიურრეალიზმის, მისტიკის, სილამაზის, შიშის, სიკვდილის და სულიერების გასაოცარი ნაზავია.

 

                                                             ავტორი: რატი ონიანი

მსგავსი ღონისძიებები
„იყო და არა იყო რა“ - ცნობილი ფრაზა საბავშვო ზღაპრებიდან აჩვენებს ლიდერების ბავშვურ ფანტაზიებს
გამოფენა
მათ მიერ, თბილი ტონებითა და მეტაფორებით დახუნძლულ ტილოებზე მთავარი ყურადღება მითოლოგიურ სიმბოლოებს, ქართული ზღაპრების პერსონაჟებსა და ორნამენტებს ეთმობა.
გამოფენა
"ამ იმედის მომცემ გარემოს ტიმისა და ჩემთვის, როგორც თანამედროვე ხელოვნების პრაქტიკოსებისთვის, მოჰყვა დიდი შვება შეზავებული ფრთხილი ოპტიმიზმის ატმოსფეროსთან.
გამოფენა
"მიმაჩნია, რომ საქართველოში ქალი ხშირად მეორეხარისხოვან როლშია, შესაბამისად მინდა, რომ ჩემ შემოქმედებაში  იყვნენ მთავარ როლში და ჩემი ემოციები გადმოვცე მათი მეშვეობით."
გამოფენა
კვირის ღონისძიებები